Путинге кол салуубу? Украина Кремлге дрон менен сокку урду

3-майга караган түнү Украина Москвадагы президент Владимир Путин отурган Кремлге карата 2 согуштук дрон менен сокку урган.

РИА Новости агенттиги кабарлагандай, чабуул түнкү саат 3төр чамасында болгон.

Президенттин маалымат катчысы Дмитрий Песков билдиргендей, дрондор зыянсыз абалга келтирилген.

"Бул соккуну ачык террордук акт деп эсептейбиз. Президенттин ден соолугуна эч кандай зыян келтирилген жок. Ал өз графиги менен иштеп жатат.

Бул соккунун сөзсүз жообу болот",- деди Песков.