Равшан Жээнбеков карындашы тууралуу үн катты

Көп кабаттуу үйдүн жер участогу Бишкек шаардык сотунун судьясынын аялы Мира Жээнбековага таандык. Бул тууралуу парламенттин экс-депутаты Равшан Жээнбеков 24.kg  агенттигинде өткөн маалымат жыйында билдирди.

Анын айтымында, Токтогул көчөсүндөгү жер участогу 1980-жылдары сатылып алынган.

“Менин карындашымдын күйөөсү Султан Шадиевдин өзүнүн бизнеси – стоматологиялык клиникасы бар. УКМКнын маалыматында айтылып жаткан жер участогу ага таандык. Ал эч качан мамлекеттик кызматтарда иштеген эмес. 2017-жылы түркиялык жеке компаниянын турак-үй курулушунун үлүшүнө ээ болгон. Ошол участокко алмашуу үчүн ага кыймылсыз мүлктүн 10 пайызын берген же 75 батир болсо, анын 7 батирин Султан Шадиевге беришкен. Кыймылсыз мүлктүн курулушу менин карындашымдын үй-бүлөсүнө эч кандай тиешеси жок, — деди Равшан Жээнбеков.

Адвокат Марат Дүйшеналиевдин айтуусунда, УКМК Мира Жээнбекова өзүнүн декларациясында бул курулуш тууралуу көрсөткөн эместигин ырастап жатат, анткени үй эксплуатацияга 2021-жылы бериле баштады.

«Султан Шадиевдин жети батирге ээ болуу укугу быйыл 2021-жылы гана пайда болду. Декларация жылдын аягында тапшырылат. Ага ылайык, Мира Жээнбекова өзүнүн кыймылсыз мүлкүн 2021-жылдын жыйынтыгы менен көрсөтөт да», - дейт Марат Дүйшеналиев.

Белгилей кетсек, УКМК Бишкек шаардык сотунун судьясынын аялы Мира Жээнбековага карата “Мыйзамсыз баюу” беренеси боюнча сотко чейинки өндүрүштү баштады.