Мамлекеттик бажы кызматынын төрагасынын мурунку орун басары Райымбек Матраимов тергөө менен кызматташканы үчүн эч жакка кетпөө жөнүндө тилкат жазып бергендиктен камакка алынган жок. Мындай чечим 20-октябрда Биринчи май райондук сотунда кабыл алынды.
Маалым болгондой, Раимбек Матраимовго 2 айга өлкөдөн чыгууга тыюу салды. Ал сотко чейинки өндүрүш иши аяктаганча дайыма тергөөчү, прокурор же соттун уруксаты жок башка жакка кете албайт.
Буга чейин УКМК Р.Матраимов республикалык бюджетке 2 миллиард сом өлчөмүндө чыгымды ноябрь айынын аягына чейин төлөп берүүгө даяр экендигин жана алгачкы 80 миллион сом өлчөмүндөгү акча каражатын УКМКнын депозиттик эсебине которгонун маалымдаган болчу.
Р.Матраимовго КР Кылмыш-жаза кодексинин 319-беренеси (Коррупция) боюнча айып тагылган.
Пикирлер (0)
Пикир жок. Сиз биринчилерден болушуңуз мүмкүн