«Реформа» саясий партиясы элдин жардамы менен 5 млн сом шайлоо күрөөсүн чогултту

«Реформа» саясий партиясы Кыргызстандын тарыхында биринчи жолу краудфандингдин (элдик каржылоо) жардамы менен Борбордук шайлоо комиссиясына 5 млн сом өлчөмүндө шайлоо күрөөсүн чогултту. Бул тууралуу аталган партиянын өкүлдөрү билдиришти. 

"Биз 5 478 219,13 сом чогулттук. Силердин  колдооңор жана жардамыңар менен 5 миллион сом күрөө чогулуп, БШКга өткөрүлүп бердик. Кыргызстандыктар кыйын кырдаалда кол сунган берешен эл экенин дайыма тастыктап келет. Бирок, Кыргызстандын тарыхында биринчи жолу саясий партияны колдоп, ага чоң каражатты топтоп берди. Биз силердин колдооңор менен шайлоого аттандык, силердин ишеничиңерди актоого сөз беребиз", - деп билдиришкен алар.