Бүгүнкү күндө да республика боюнча коронавирус илдетинин булактары толук аныктала элек. Бул тууралуу 5-июндагы брифингде саламаттыкты сактоо министринин орун басары Нурболот Үсөнбаев билдирди.
“Беткап тагуу маселеси өтө курч мааниге ээ болот. Бүгүнкү күндө да республика боюнча илдеттин булактары аныктала элек. Беткап тагып, аны чечпей жүрүү жагында иш алынып барат. 8 миңден ашуун адам үй карантининде турат, алардын арасында тартипти бузгандар да бар. Алар башкалар менен байланышканы белгилүү болууда. Беткап такпай, тартипти сактабай жатышат, бүгүнкү күндө байланышта болгондор көбөйүп кетти. Өткөн суткада каза болгондор байланышта болгондор. Медицина кызматкерлеринин арасында да байланышта болуп, аны этибарга албай жатат. Күч түзүмдөрүнүн арасында да байланышта болгондор 20-30дап чыгууда”, - деди Үсөнбаев.
Пикирлер (0)
Пикир жок. Сиз биринчилерден болушуңуз мүмкүн