Инфекциялык ооруканада 32 бала дарыланууда

Бишкек шаарындагы Республикалык инфекциялык клиникалык ооруканасында 32 бала бар. Бул тууралуу 8-майда болгон брифингде саламаттыкты сактоо министринин орун басары Нурболот Үсөнбаев билдирди.

"Учурда Республикалык инфекциялык клиникалык ооруканасында 32 жаш бала дарыланып жатат. Аларда оору жеңил клиникалык түрдө өтүп, оор абалда жаткандары жок. Андыктан, балдардын ден соолугуна коркунуч жок. Ал жака Эне жана баланы коргоо улуттук борборунан да балдар которулду”, - деди Үсөнбаев.