Россия Кыргызстанга техникалык жардам көрсөтөт. Россия Федерациясы товарларды идентификациялоо каражаттары менен маркалоо тутумун түзүү үчүн акысыз негизде 623 миллион рубль бөлөт. Бул тууралуу Россиянын ММКлары жазып чыгышты.
Долбоорду ишке ашыруу боюнча келишимге Россия Федерациясынын Өнөр жай жана соода министри Денис Мантуров жана Кыргыз Республикасынын Премьер-министринин орун басары, Каржы жана экономика министри Улукбек Кармышаков кол коюшту. Продукциянын маркировкасы тутумун түзүү мөөнөтү 18 ай.
Кечээ Москвада эки өлкөнүн президенттери Владимир Путин менен Россияга биринчи расмий иш сапары менен барган Садыр Жапаровдун ортосунда сүйлөшүүлөр болду.
Пикирлер (0)
Пикир жок. Сиз биринчилерден болушуңуз мүмкүн