Россияда бир сутка ичинде коронавирус илдетин дагы 11 656 адам жуктуруп алды. Бул тууралуу аталган өлкөнүн саламаттыкты сактоо министрлигинин маалыматында айтылат.
Ага ылайык, COVID-19 инфекциясын жуктургандардын жалпы саны 221 344 адамга жетти. Ал эми илдеттен 39 801 бейтап айыгып, 2009 киши каза болгон.
Илдетти жуктургандар эң көп АКШда катталды, ал жакта дарт 1 миллион 360 миңден ашык адамдан табылган. Ал эми Испанияда 224 350, Улуу Британияда 220 449, Италияда 219 070 адамга жетти.
Эске салсак, коронавирус илдети 2019-жылдын соңунда Кытайдын Ухань шаарынан чыккан. Ал эми Бүткүл дүйнөлүк саламаттыкты сактоо уюму COVID-19 вирусун 11-мартта пандемия деп тапкан. Учурда дартка чалдыккандардын саны дүйнөдө 4 103 241 бейтапка жетти.
Пикирлер (0)
Пикир жок. Сиз биринчилерден болушуңуз мүмкүн