Россиянын президентинин №274 “Жаңы коронавирустук инфекциянын (COVID-19) андан ары жайылуу коркунучуна байланыштуу Россия Федерациясындагы чет өлкөлүк жарандардын жана жарандыгы жок адамдардын укуктук статусун чечүү боюнча убактылуу чаралар жөнүндө” Жарлыгы 2021-жылдын 15-июнуна чейин узартылды. Бул тууралуу Миграция кызматы кабарлады.
Россиядагы мигранттардын федерациясынын басма сөз кызматы кабарлагандай, бул жарлык 2020-жылдын 18-апрелинде кабыл алынган, аны узартуу чечимине 15-декабрда кол коюлган.
Ушул жобого ылайык, чет элдик жарандарга 2021-жылдын 15-июнуна чейин: убактылуу жашап туруу жөнүндө документтерди, анын ичинде визаны; жашаган жери боюнча каттоону; убактылуу же туруктуу жашоого уруксат кагазын узартуунунун кереги жок.
Мындан тышкары, 2020-жылдын 15-мартынан 2021-жылдын 15-июнуна чейин чет өлкөлүктөр Россиядан депортацияланбайт, эки же андан ашык административдик мыйзам бузуу үчүн өлкөдөн чыгарылбайт. Мунун баары кийинкиге калтырылат.
Пикирлер (0)
Пикир жок. Сиз биринчилерден болушуңуз мүмкүн