Россияда коронавирус жуктургандар 300 миңден ашты

Россияда COVID-19 вирусун бир сутканын ичинде 8764 адам жуктуруп алды. Бул тууралуу аталган өлкөнүн басылмалары жазып чыкты.

Маалыматка ылайык, илдетти жуктургандардын саны 308 705 адамга жетти. Алардын 85 392си дарттан айыкса, 2 972 бейтап каза болду.

Эске салсак, коронавирус илдети 2019-жылдын соңунда Кытайдын Ухань шаарынан чыккан. Ал эми Бүткүл дүйнөлүк саламаттыкты сактоо уюму COVID-19 вирусун 11-мартта пандемия деп тапкан. Учурда дарт 188 өлкөдө катталып, ага чалдыккандардын саны 4 915 004 бейтапты түздү.