Москвада коронавируска чалдыккан 79 жаштагы аял каза тапты. Бул тууралуу Россиялык басылмалар жазып чыкты.
Маалыматка ылайык, көз жумган бейтаптын жүрөк-кан тамырларына байланышкан бир топ өнөкөт оорулары да бар экендиги айтылды.
Каза тапкан аял 13-мартта ооруканага жаткырылып, кийинки күнү туугандарынын өтүнүчү менен жеке клиникага которулган. Инфекциялык бейтапкана анда коронавирус бар экендигин аныктап, дем алуусу кыйындагандыктан жандандыруу бөлүмүнө жаткырышкан.
Ыкчам штаб аялдын тууган-уруктары медиктердин көзөмөлүндө экендигин кошумчалады. Аларда азырынча COVID-19 симптомдору жок.
Россияда коронавируска 147 адам чалдыгып, анын сегизи айыкты.
Пикирлер (0)
Пикир жок. Сиз биринчилерден болушуңуз мүмкүн