Россияда күйүүчү майга болгон баанын көтөрүлүшүнө байланыштуу Кыргызстандын нефтетрейдерлерине сунуштар берилди

Россия Федерациясынын дүң соода тармагында күйүүчү-майлоочу майларга баалардын өзгөрүшүнө байланыштуу монополияга каршы чара көрүүнүн алкагында Кыргызстандын нефтетрейдерлери менен жумушчу жолугушуу өткөрүлдү. Бул тууралуу Монополияга каршы жөнгө салуу кызматынан билдиришти.

Жыйынтыгында нефтетрейдерлерге төмөнкүдөй сунуштар берилди:

- «Атаандаштык жөнүндө» Кыргыз Республикасынын Мыйзамынын талаптарын так аткарууга;

- Кыргызстандын ички рыногундагы кырдаалдын өзгөрүшүнө ыкчам жооп кайтаруу;

- күйүүчү-майлоочу материалдарга жана суюлтулган углеводород газдарына баалардын кескин өсүшүнө жол бербөө;

- Монополияга каршы жөнгө салуу кызматынын суроо-талаптарына тезирээк жооп берүү;

- рынокту толтуруу жана мунай продуктыларынын тартыштыгынын пайда болушуна жол бербөө үчүн күйүүчү-майлоочу материалдардын зарыл запастарын камсыз кылуу;

- май куюучу станцияларда аз толтурууну контролдоо жана алдын алуу боюнча иштерди жургузуу.

Орусиялык басылмалардын маалыматы боюнча, биржада АИ-95 үлгүсүндөгү бензиндин баасы (24-майга карата) тоннасына 61,8 миң рублга чейин көтөрүлүп, рекорддук көрсөткүчкө жеткен.