Россиядагы кыргыз жарандары аскерге чакырылат деген маалымат жалган

Россиядагы кыргыз жарандары аскерге чакырылат деген маалымат жалган. Бул тууралуу кыргыз диаспорасынын өкүлү Кубанычбек Осмонбеков билдирди.

"Россиядагы кыргыз жарандары аскерге чакырылат деген маалымат фейк. Мобилизациялоонун кыргыз жарандарына эч кандай тиешеси жок. Болгону Россиянын жарандыгын алган жарандарга тиешелүү маселе.

Социалдык тармактарда тарап жаткан ар кандай фейк маалыматтардан алыс болууга жана таратпоого чакырам. Анткени Россия Федерациясынын мыйзамдарына ылайык жалган маалымат тараткандар жоопкерчиликке тартылат",- деди Осмонбеков.