Россиянын бардык аймагындагы мигранттар үчүн киргизилген жаңы эрежелерге ылайык, 1-апрелден тарта ар бир бала мектепке кабыл алууда орус тилинен атайын тестирлөөдөн өтүшү керек. Бул тууралуу Тышкы иштер министрлигинин консулдук департаментинин жарандардын укуктарын жана кызыкчылыктарын коргоо башкармалыгынын биринчи катчысы Алмазбек Байбосов “Биринчи радионун” түз эфиринен билдирди.
Анын айтымында, Россиянын билим берүү министрлигинин чыгарган буйругуна ылайык, эгер мектепке окуй турган бала сынак тапшырбаса же милдеттүү тил ийримдерине катышпаса анда анын ата-энеси административдик жоопкерчиликке тартылат. Ошондой эле Россиядагы мекендештер 30-апрелге чейин өздөрүнүн укуктук абалын жөнгө салуулары керек.
“Тестирлөө Россиянын аймагында бардык чет элдиктерге анын ичинде Кыргызстандын жарандарынын балдарына да тиешелүү. Тестирлөө бекер жүргүзүлүп, 30 мүнөттөн ашпайт. 1-класска кирип жаткан балдарга оозеки түрүндө, ал эми андан жогорку класстарга оозеки жана жазма түрүндө болот. Беш баллдык система менен алынып, эгер бала үч баллга тапшырса өтөт деп эсептелет. Кандайдыр бир себептер менен бала өтпөй кала турган болсо, баланы орус тилинен даярдоого үч айлык мөөнөт берилет. Ошондуктан Россиянын аймагында жүргөн биздин жарандарды мектепке баруучу балдарды азыртадан даярдап, кайсы мектепке барат аныктап алуулары зарыл”,- деди ал.
Дагы бир талап мектепке кабыл алынуучу же окуп жаткан бала Россиянын аймагында мыйзамдуу жүрүшү керек экендигин ТИМдин өкүлү эскертти.
Эске салсак, баланы мектепке киргизүү боюнча бардык суроолорго жооп берүүчү Тышкы иштер министрлигинин
Пикирлер (0)
Пикир жок. Сиз биринчилерден болушуңуз мүмкүн