Россиядан Кыргызстанга 4 ай ичинде 18 миңден ашык мигрант учуп келди

 

Үстүбүздөгү жылдын 13-июлунан тарта 20-июлга чейин Москва шаарынан 8 чартердик авиакаттамы менен 1 704 жүргунчү жеткирилген. Тактап айтканда, 4 авиакаттам Москва шаарынан Бишкек жана Ош шаарларына 955 адам, 3 авиакаттам менен Новосибирск шаарынан Бишкек жана Ош шаарларына 563 жүргүнчү, ал эми 1 авиакаттам аркылуу Екатеринбургдан Бишкекке 186 киши келди.

 

Кыргызстандын Россиядагы элчилигинин басма сөз кызматы билдиргендей, авиакаттамдар убактылуу токтотулгандан баштап, 20-марттан 20-июлга чейин Россиянын 21 аймагынан 18 миң 285 мекендеш кайтты. Россиядан 74 авиакаттам, Казакстандын аймагы аркылуу Оренбург жана Самара облустарынан 52 автобус уюштурулган.