Россиянын эл аралык резервдери 122 миллион долларга өстү

Россиянын Борбордук банкынын басма сөз кызматы өлкөнүн эл аралык резервдери 2020-жылдын 1-июнуна карата $566,134 миллиардды түзгөндүгүн билдирди. Эл аралык резервдердин жалпы суммасы 1-майга карата $566,012 млрд эле, демек бир ай аралыгында резервдер 122 миллион долларга өскөн.

Борбордук банктын маалыматы боюнча эл аралык резервдердин жалпы структурасында чет өлкөлүк валюта $438,57 миллиардды, монетардык алтын $127,57 миллиардды түздү. Ал эми апрель айында Россиянын эл аралык резервдери $2,539 миллиардга өскөндүгүн эске салсак, кыска аралыктагы айырма асман менен жердей экендигин баамдоого болот.