Россиянын футбол боюнча чемпиондугу күйөрмандарсыз уланат

Футбол боюнча Россиянын Премьер-лигасы күйөрмандарсыз уланат. Бул тууралуу аталган федерациянын басма сөз кызматы ЖМКларга кабарлаган. 

Маалыматка ылайык, учурда машыгууларын жандандыруу жана чемпиондукту улантуу регламентти бийлик өкүлдөрү менен бирге каралып жатат. Ал эми оюндар күйөрмандары жок өтөрү буга чейин чечилген.

Эске салсак, футбол боюнча Россиянын Премьер-Лигасы коронавирус инфекциясына байланыштуу март айында токтотулган.

Учурда 22 оюндан кийин 50 упай топтогон “Зенит” турнирдик тизмеде сап башында келе жатат. Алдынкы үчтүккө 41 упайдан топтогон “Локомотив” жана “Краснодар” кирген.