Россиянын мусулмандарынын дин башкармалыгы көп аял алууга уруксат бергенин РИА Новости жазды.
Аалымдар кеңеши россиялык мусулмандарга күйөөсү аялдарынын бардыгына бирдей (тең) мамиле кылган учурда төрт нике кыйдырууга макул болду. Үй-бүлөнүн башчысы аялдарын материалдык жактан бирдей (ар бир аялга өзүнчө үй алып берүү, жубайларына убакытты тең бөлүү) камсыздашы керек.
Көп аялдуулукка жубайы төрөй албай калган же төрөгүсү келбеген учурда, репродуктивдүү маалдын бүтүшүндө же төшөк мамилесинде келишпестик болгондо жол берилет. Күйөөсү жаңы аял алууну көздөп жатканы тууралуу өзүнүн аялына айтууга милдеттүү. Ошондой эле эркек жаңы жарынын балдарын асырап алууга жана аларга мурас калтырууга милдеттендирилет.
Пикирлер (0)
Пикир жок. Сиз биринчилерден болушуңуз мүмкүн