Кыргызстандын тышкы иштер министри Руслан Казакбаев россиялык кесиптеши Сергей Лавров менен жолугушту. Жолугушуу 19-майда, ЖККУга мүчө мамлекеттердин Тышкы иштер министрлери кеңешинин кезектеги отурумунун алкагында болгонун ТИМдин басма сөз кызматы билдирди.
Тараптар алдыдагы тышкы саясий иш-чараларды, буга чейинки келишимдердин аткарылышын талкуулашты.
“Кыргыз-Россия кызматташтыгынын актуалдуу маселелери жана аймактагы кырдаал боюнча ой- пикирлер айтылды. Мындан тышкары, тараптар Кыргызстан менен Россиянын ортосунда буга чейин каттаган темир жол транспорту менен жүргүнчүлөрдү ташууну жана унаа кыймылын толук кандуу жандандыруу маселелерин талкуулашты”, — деп айтылат билдирүүдө.
Пикирлер (0)
Пикир жок. Сиз биринчилерден болушуңуз мүмкүн