Борбор калаада 400 миңден ашык унаа бар, деп билдирди 17-октябрда Бишкек шаарынын мэриясынын Транспорт жана жол инфраструктурасын өнүктүрүү департаментинин директорунун орун басары Алмаз Алымбеков Бишкекте өтүп жаткан "Урбан форумунун" сессиясында.
Анын айтымында, коңшу шаарлардан 50 миңдей унаа келип-кетип турат.
«Учурдагы жолдор жана түйүндөр мындай көлөмдөгү унаа кыймылына ылайыкталган эмес. Шаар 100 миңге жакын унаага ылайыкталган, шаарда 1,2 миллион калкка 400 миңден ашык унаа бар», - деди ал.
Директордун орун басары борбор калаадагы тыгындын себептери: көчөлөрдүн боюндагы башаламан унаа токтотуучу жайлар, коомдук транспорт үчүн атайын тилкелердин тармагынын жоктугу жана башкаларга токтолду.
Ал ошондой эле тыгын маселесин чечүү чараларын айтыа өттү: экологиялык жактан таза автобустарды сатып алуу, экотакси кызматтарын киргизүү, велосипед жолдорунун тармагын өнүктүрүү, коомдук транспорт үчүн атайын тилкелер тармагын өнүктүрүү.
Пикирлер (0)
Пикир жок. Сиз биринчилерден болушуңуз мүмкүн