Бишкектин ичиндеги посттор бүгүн түнү алынат

 

Жогорку Кеңештин кезексиз жыйынында шаар ичиндеги посттор түнкү саат 00:00дө алынарын Ички иштер министри Кашкар Жунушалиев бүгүн, 30-апрелде айтты.

“Бүгүн түнкү саат 00:00дөн тарта шаар ичиндеги блокпосттор алынат. Ал эми жөө жана унаалар менен кайгуул кылган кызматкерлер кала берет”, - деди министр.

 

“Анда 8 миң такси кызматкерине эмне үчүн электрондук уруксат кагазы берилет?”, - деп Дастан Бекешов суроо салды.

Ага комендант Алмаз Орозалиев “Канча такси кызматкери иштеп жатат жана алар талапка жооп берерин текшеришибиз керек. Электрондук уруксат кагазын берүүгө 30 секундадан 1 мүнөткө чейин убакыт кетет”, - деп жооп берди.