Шаардык кеңеш Айсулуу Тыныбекова батир берүүнү колдоду

Бишкек шаардык кеңеши күрөш боюнча дүйнө чемпиону Айсулуу Тыныбековага батир берүү маселесин карады.

Депутаттар аны талкуулап отурбай дароо эле добуш берүүгө өтүп, баары макул болгон.

Белгилей кетсек, экс-президент Сооронбай Жээнбеков Тыныбекова Дүйнө чемпионатын жеңип алганда  үч бөлмөлүү батир убада кылган.

Бүгүн, 2-декабрда Бишкек шаардык кеңеши конфискацияланган муниципиалитеттин курамындагы үч бөлмөлүү батирди Айсулуу Тыныбековага өткөрүп берди.