Парламенттик шайлоо алдындагы "жымжырттык күнү" 3-октябрда эртең менен саат 8:00дө башталды. Шайлоо мыйзамдарына ылайык, бул күнү партиялар жана талапкерлер үгүт иштерин жүргүзө албайт.
16 партия ат салышып жаткан шайлоо 4-октябрда өтөт. Добуш берүү үчүн 2475 тилке даярдалды, анын 35и чет мамлекеттерде.
Борбордук шайлоо комиссиясынын соңку маалыматына ылайык, добуш берүүгө укуктуу жарандардын соңку такталган саны - 3 523 554.
Ал эми биометрикалык каттоодон өтпөгөн 557 856 жаран шайлоого катыша албайт.
Жогорку Кеңеште 120 депутаттык орун бар.
Пикирлер (0)
Пикир жок. Сиз биринчилерден болушуңуз мүмкүн