Шайлоо алдындагы жымжырттык өкүм сүрө баштады

Добуш берүү алдындагы бир суткалык жымжырттык бүгүн саат 8:00дөн тарта баштады. Бул тууралуу БШКдан билдиришти.

Маалыматка ылайык, 9-январда саат 8:00дө шайлоо күнүнө толук бир сутка калганда бардык талапкерлер үгүт иштерин токтотууга тийиш. Бул шайлоо боюнча мыйзамда каралган. Ага ылайык эч бир талапкер үгүт иштерин жүргүзө албайт.

Эске салсак президенттик шайлоо үчүн үгүт өнөктүгү 15-декабрда башталган. 25 күн ичинде талапкерлер аймактарда үгүт иштерин жүргүзүштү.