Швецияда белгисиз адамдар мусулман үй-бүлөлөрүнүн балдары окуган мектептердин бирин өрттөп жиберишти.
Окуя Эребро шаарындагы "Алсаламсколан" мектебинде болгон.
Мектептин директору Хуссейн Алдаодинин берген маалыматына караганда, видеотасмада эки белгисиз адам мектепти кантип өрттөп жибергени көрсөтүлгөн. Анын айтымында, тасма полицияга өткөрүлүп берилген.
«Беткап кийген белгисиз адамдар биринчи кабаттагы терезелерди сындырып, мектепке тез күйүүчү зат ыргытышкан. Окуя таң эрте болгон, бактыга жараша мектепте эч ким болгон эмес», - деди Алдаоди.
Учурда полиция кызматкерлери тергөөнү улантууда.
Пикирлер (0)
Пикир жок. Сиз биринчилерден болушуңуз мүмкүн