Медицина илимдеринин доктору, профессор Сабырбек Жумабеков мурдагыдай өзүнүн ишин улантууда. Ал бейтаптарды кабыл алып, операцияларды жасап жатат. Бул тууралуу Жумабеков өзү билдирди.
"Сиздерге билдирип кетким келет, биздин жумушубуз кадимки режимде уланууда. Күн сайын мен 5-6 операция жасаймын. Анан бөлүмдөрдү айланамын, 30-40 бейтапты кабыл алып турамын.
Мени колдогондорго жана биздин ишибизди түшүнбөй сын айткандарга да ыраазычылыгымды билдиремин. Мен үчүн жашоо уланууда: бейтаптар, операциялар, илим жана башка иштер жүрүүдө",- деп билдирди профессор.
Эске салсак, Сабырбек Жумабеков башкы дарыгери болгон мурдагы Травматология жана Ортопедия улуттук илим изилдөө борбору Бишкек шаардык клиникалык тез жардам ооруканасы болуп өзгөргөн.
Пикирлер (0)
Пикир жок. Сиз биринчилерден болушуңуз мүмкүн