Жакында шайлоо болот, ошол убакта мурдагыдай болбой КТРКнын жакшылап иштеп берүүсүн каалайт элем, деп билдирди депутат Садык Шер-Нияз бүгүн, 10-июнда Жогорку Кеңештин жыйынында.
Депутат Коомдук байкоочу кеңештин мүчөлөрүнө кайрылып, аларды шайлоо учурунда таза, так иштеп берүүгө чакырды.
“Сиздер шайлоо
кампаниясы учурунда жума сайын чогулуп, жыйналыш өткөрүп турушуңуздар керек.
Анткени шайлоо өнөктүгүндө өтө ыплас иштер болушу мүмкүн. Ошол учурда
тикеңерден тик туруп, кара кылды как жаргандай туруп бериңиздер”, - деп суранды
эл өкүлү.
Белгилей кетсек, парламентте Коомдук телерадиоберүү корпорациясынын 2019-жылдагы
ишмердүүлүгү жөнүндө Байкоочу кеңешинин отчету угулууда.
Пикирлер (0)
Пикир жок. Сиз биринчилерден болушуңуз мүмкүн