Экс-президент Роза Отунбаева журналист Майраш Базлакунова менен маектешкенде президенттикке талапкер Садыр Жапаров менен жакындан тааныш эмес экенин, президент болуп турганда Жапаров андан жардам сурап кайрылганын билдирген.
“Мен Садыр Жапаров менен абдан сейрек жолуккам. Президент болуп турганымда эжесинин маселеси менен келген, туура эмес болуп жатат деп. Бирок, мен иликтеп көргөндө эжеси иштеген банктан акча чыгарылганы чын экен. Мен эч кандай жардам бере албаймын деп айткам. Акыркы 5-6 жылды социалдык түйүн менен иштеген саясатчы экен да. Эми ушул багытта мамлекетти өнүктүрсө биздин багыбыз болот эле. Элдин ишеними алтынга тете. Азыр колдоочулары көп. Эгер утса элдин ишенимин актаганга аракет жасашы керек", - дейт ал.
Пикирлер (1)