Бугу 19, 2024
Убакыт: 17:11
USD
88.20
89.10
EUR
95.40
96.40
RUB
0.960
0.975

Садыр Жапаров Япониянын туроператорлор ассоциациясынын башчысы менен кызматташтыкты талкуулады

20.11.2023 17:21
234
Садыр Жапаров Япониянын туроператорлор ассоциациясынын башчысы менен кызматташтыкты талкуулады


Президент Садыр Жапаров бүгүн Японияга жасаган расмий сапарынын алкагында Япониянын туристтик операторлор ассоциациясынын (JATA) башчысы Кунихара Эбина менен туризм тармагындагы байланыштарды кеңейтүү маселелерин талкуулады.

Туризм тармагындагы байланыштарды кеңейтүү маселелери жана бул жаатта өз ара аракеттенүүнүн перспективалары боюнча пикир алмашуу болду.

Мамлекет башчысы Кыргызстан бул чөйрөдө кызматташтыкты өнөктөштүктүн өз ара пайдалуу жана узак мөөнөттүү шарттарында орнотууга кызыкдар экенин белгиледи.

Садыр Жапаров Кыргызстанда ишкердик, кышкы, дарылоо-ден соолукту чыңдоо, маданий, ошондой эле активдүү туризм сунушталып жатканын айтып берди. Ошол эле учурда өлкө жетекчилиги ар бир турист өзүн ыңгайлуу жана ишенимдүү сезиши үчүн умтулат. Бүгүнкү күндө өлкөдө туризмди өнүктүрүү үчүн жагымдуу шарттарды түзүүгө багытталган реформалар жүргүзүлүүдө.

Ал Кыргызстандын пайдалуу географиялык жайгашуусу – бүткүл Борбор Азия боюнча айкалышкан турларды түзүүгө мүмкүндүк берээрине басым жасады. Бул контекстте ал япон тарапты өз ара туризмди өнүктүрүүдө, ошондой эле өлкөнүн туризм тармагындагы инфраструктуралык долбоорлорду ишке ашырууда активдүү кызматташууга чакырды.

Президент Садыр Жапаров япониялык туроператорлорду Кыргызстанга келип, кызыктуу инвестициялык сунуштар менен таанышууга чакырды.

JATAнын башчысы Кунихара Эбина Кыргызстан менен туризм тармагында кызматташууну караштырып жатканын жана өлкөнүн бай туристтик потенциалын эске алуу менен бул багытта кыргыз кесиптештери менен тыгыз иштешүүгө даяр экенин абдан канааттануу менен белгиледи.

Ал компаниянын ишмердүүлүгү жөнүндө кыскача айтып берип, кыргыз тарапка Япониянын туристтик рыногунда Кыргызстандын туристтик продуктыларын брендингге, байланыштар менен алмашууга, ошондой эле Кыргызстандын туристтик потенциалын илгерилетүү үчүн туристтерди тартууга багытталган практикалык иш-чараларды өткөрүүнү сунуштады.

Жыйынтыгында тараптар туристтик операторлордун ортосундагы түз байланыштарды көбөйтүүгө көмөктөшүүнү макулдашты.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн