Бүгүн өлкө үчүн тарыхый жактан өтө маанилүү учурлардын бири болду. Себеби, дал ушул күнү Чүй облусунун Кемин районунда өлкөдөгү эң ири завод "Терек-Таш" клинкер ишканасы ачылды. Муну менен бирге дагы 99 обьекттин ачылышына старт берилип, салтанатка президент Садыр Жапаров катышты. Мамлекет башчы алгач Кара-Кыргыз автономиялуу облусунун 100 жылдыгына карата 100 объекттин курулушун белгилеп, тарыхка учкай токтолду. Ошондой эле өмүрүн тобокелге салып Кара-Кыргыз автономиялуу облусун түзгөн аталарды эскерип, өлкөнүн жетишкендиктерин белгиледи.
Атай кетсек, Кеминдеги "Терек-Таш" клинкер заводун куруу долбоору 2022-жылы башталып, анын сметалык баасы 160 млн долларды түзгөн. Долбоордун уникалдуулугу - экологиялык жактан бардык талаптар сакталган. Заводдун кубаттуулугу жылына 1 млн 200 миң тонна клинкер чыгаруу мүмкүнчүлүгүнө ээ.
Пикирлер (0)
Пикир жок. Сиз биринчилерден болушуңуз мүмкүн