Президенттикке талапкер Садыр Жапаровдун жубайы Айгүл Жапарова Россиянын “ОколоПолитики” сайтына маек берип, жолдошунун премьер-министр болор алдында аны менен кеңешүүгө деле убакыт болбогонун билдирген. Журналисттин “жолдошуңуз маанилүү чечимдерди кабыл алаарда сиз менен акылдашабы, мисалы, премьер-министр болоордо кеңешти беле?” деген суроосуна ага убакыт деле болбогонун билдирген.
“Билесизби, премьер-министр болоордо кеңешүүгө деле убакыт болгон жок, баардыгы ушунчалык тездик менен болуп кетти. Бирок, жолдошум ар дайым камактан чыгаарын, эл аны колдоп алаарын айтып келген. Элдин колдоосуна ишеними чоң болгон”, - деген ал.
Мындан сырткары А.Жапарова Садыр Жапаровдун азыркы статусу ага жоопкерчиликти, ошол эле кезде чоң мүмкүнчүлүктөрдү жаратканын, ал мүмкүнчүлүктөрдү элдин жыргалчылыгына жумшай турганын айткан.
Пикирлер (1)