Садыр Жапаров менен Камчыбек Ташиев Баткенге барды

Президентинин милдетин аткаруучу, премьер-министр Садыр Жапаров Баткен облусунда иш сапары менен жүрөт. С.Жапаровду УКМКнын жетекчиси Камчыбек Ташиев коштоп жүрөт.

Иш сапардын жүрүшүндө С.Жапаров Баткен районундагы Ак-Сай айылында курулуп жаткан насостук станциядан кабар алып, Бакай айылына жакын Көк-Таш - Ак-Сай - Тамдык курулуш иштерин көрүп чыкты. Ошондой эле президенттин милдетин аткаруучу Жапаровдун Ош жана Жалал-Абад облусуна да барышы күтүлүүдө.