Садыр Жапаров өзүн айыптагандарга жооп берди

Президенттикке талапкер Садыр Жапаров өзүн айыптагандарга Кара-Суу районунда эл менен жолугуп жатып жооп берди. Бул өзүнө карата кара пиар болуп жатканын билдирип, элди ага ишенбөөгө чакырды. 

“Мени каралап жаткандардын ичинде алтын уурдагандар, китепкана, жер саткандар бар. Бирок, баарынын айткандары суу кечпейт. Ата-Башыда логистикалык борбор куруп баштады деп калп айтууда. 3 күн калгандар булар каралап калайын деп жатат. “Жетим-Тоо” боюнча айтууда, эгер эл каршы чыкса аны ачпайсыз.  Жунус уулу Адыл боюнча айтсам. 30 жылдан бери ушул жерде жашап, бизнес кылып келет. Бул боюнча айткан Жеңиш Молдакматов, китепкана саткыч, жер саткыч талапкерге караганда ал миң эсе пайда алып келген жигит. Республикалык штабымды айтууда, ал 2010-жылы “Ата Журт” партиясынын штабы болуп турган. 2007-жылы досторубуз менен курганбыз”, - дейт ал.