Саламаттыкты сактоо министрлиги эмне болуп жатканын өзү билбейт, координация жок, - вице-спикер

Кырдаалды айтып чыккан дарыгерлерге басым жасоону токтотуу керек. Мындай пикирди Жогорку Кеңештин вице-спикери Аида Касымалиева социалдык тармактардан билдирди.

“Бул окуя боюнча көзөмөлдөйм деп сөз бердим эле, улам чалып жатып, дарыгер өз кызмат ордунда калды. Бирок Саламаттыкты сактоо министрлиги эмне болуп жатканын өзү билбейт, маалымат катчысы эски маалыматты берип туруп алды. Координация, ыкчам кыймылдоо деген жок. Жер-жерлердеги саламаттыкты сактоо жетекчилери, борбордогу жетекчилик, бюрократияңарды койгула. Азыр абал башкача. Ар бир дарыгер үчүн күрөшүп, камкордук көрсөтүү зарыл. Кандайдыр бир басым жасоо болуп жатса, кайрылыңыздар, урматтуу биздин медицина кызматкерлери”, - деп жазды вице-спикер.