Самара Каримованын директор болушуна жамаат нааразычылык акциясын өткөрүүдө. Бул тууралуу "Турмуш" басылмасы билдирди.
Маалыматка ылайык, нааразычылык акциясын уюштургандар Оштогу Ниязалы атындагы музыкалык окуу жайдын директолугуна Самара Каримованын дайындалышына каршы. Алар аны бул тармакта тажрыйбасыз жана коллектив менен иштешип кете албайт деп эсептейт.
Акция окуу жайдын алдында өтүп жатат. Алар колуна "Сот акыйкат чечим чыгарсын" деген ураан кармап турушат.
Эске салсак, Бишкектин Биринчи Май райондук соту Самара Каримованы окуу жайдын директору деп тапкан. Бирок Маданият, маалымат жана туризм министрлиги аппеляциялык доо менен жогорку инстанцияга кайрылган.
Пикирлер (0)
Пикир жок. Сиз биринчилерден болушуңуз мүмкүн