Сауд Арабия быйыл чет элдиктер үчүн ажылык сапарды токтотту

Быйыл Сауд Арабия дүйнөлүк пандемияга байланыштуу ажылык сапарга келген чет элдик жарандарды кабыл албайт. Бул тууралуу РИА Новости жазды.

"Быйылкы ажылыкка чектөө киргизилип, өлкө аймагында жүргөн гана ар улуттагы адамдар катыша алат. Ооруну жуктургандар көп катталып жаткандыктан Меккедеги ыйык Кааба ташы жайгашган жер дагы деле жабык турат", — деп айтылган маалыматта.

Быйыл ажылыкка жөнөтүү июль айында башталмак. Зыяратчылар Ажылык боюнча республикалык штабдын каттоосунан өтүп, алгачкы төлөмдөрдү төлөп коюшкан. 

Быйыл Кыргызстан Сауд Арабиядан 6 миң 110 орун алган болчу.