Саякатчылар арасында “Ардактуу турист” аталышындагы сынак жарыяланды, - министр

Маданият, маалымат жана туризм министрлиги “Ардактуу турист” наамын алууга сынак жарыялады. Бул тууралуу 29-майдагы брифингде министр Азамат Жаманкулов билдирди.

Маалыматка ылайык, сынакка катышуу үчүн министрлик тарабынан көрсөтүлгөн 10 жайда сүрөткө түшүп, сүрөттөрдү министрликтин же туризм департаментинин Facebook баракчасына жөнөтүү керек.

Ошондой эле сүрөттөрдү #УникалдууКыргызстан хештеги менен жеке социалдык тармактардагы баракчаларына жарыяласа да болот.

Ал эми конкурска катышу үчүн өлкөнүн төмөндөгү 10 ажайып жерине барып келүү керек:

1. “Бурана” комплекси

2. “Өзгөн” комплекси;

3. “Таш-Рабат” тарыхый комплекси;

4. “Сары Челек” коругу;

5. Манастын күмбөзү;

6. Сан Таш;

7. Сказка каньону;

8. “Арсланбап” улуттук коругу;

9. “Сулайман-Тоо” тарыхый-археологиялык музей-комплекси;

10. “Шах-Фазиль” күмбөзү.