Саясат былчылдашкан ринг эмес. Адыраңдабай амалкөй бол, Шайлообек!

“Дааватчы депутат” катары таанылып, сүзөнөөк букадай сүр көрсөткөн, көп маселеге түшүнсө-түшүнбөсө деле аралашып, сөз алып сүйлөгөндөн тажабаган Шайлообек Атазов “чимкириктер” арасынан өзгөчө деле айырмалана албады. Кесиби боксёр болгонуна жараша психологиялык чабыты дайыма атакага өтүүгө, ыкчамдыкка ык койгондой. Бирок, саясат былчылдашкан ринг эмес да. Бул чөйрөдө өкүмзордук күч, өткүрлүк менен өргө чаппайсың, тек гана жардан ары ыргып кетишиң мүмкүн. Албетте, бара-бара. Андыктан, Шайлообек адыраңдай бербей амалкөй болуп, оюнчу, ойчул катары тажрыйба алса, дагы белес ашчудай. А болбосо мындай түрү менен көпкө узабас... 

Булак: "Азия Ньюс" гезити