“Семетей” обсервациясында 531 бош орун бар

Манас аэропортунда жайгашкан “Семетей” обсервациясында 531 орундук бош. Бул тууралуу Өзгөчө кырдаалдар министрлигинин басма сөз кызматынан билдиришти.

28-июлга карата “Семетей” обсервациясында бейтаптарды дарылоо үчүн 600 орундук бар болсо, анын ичинен 99да бейтаптар дарыланып жатат, калган 501 орундук бош. Ал эми жандандыруу бөлүмүндө 50 орундук бар болсо, учурда 20да оор абалдагы бейтап дарыланып жатат, калган 30 орундук бош. Жалпысынан 531 орундук бош.

Ошондой эле 27-июлда каржылык мекемелер тарабынан гуманитардык жардам катары 6 даана ИВЛ-аппарат “Семетей” обсервациясына берилген.