“Семетей” ооруканасын оңдоо иштери 90 пайызга аяктады

“Семетей” ооруканасында оңдоп-түзөө жана калыбына келтирүү иштери 90%га аяктады. Бул тууралуу Өзгөчө кырдаалдар министрлигинин басма сөз кызматынан билдиришти. 

Маалыматка караганда, 23-октябрга карата “Семетей” ооруканасында оңдоо жана калыбына келтирүү иштери 90% аяктады. Блоктордун бирин 50 орундуу реанимация бөлүмүнө ылайыкташтыруу ишке ашырылды.

"Дубалдарды демонтаждоо жана актоо, канализация тутумун орнотуу, блокторго электр зымдарын орнотуу, блокторго флакондорду орнотуу, жандандыруу блогунун кире беришине тамбур орнотуу жана блоктордун дубалдарын суу негизиндеги боёк менен актоо иштери жүргүзүлдү. Оорукананын имаратын жылуулук менен камсыз кылуу үчүн электр конвекторлорун сатып алуу боюнча чаралар көрүлүүдө", - деп айтылат маалыматта.