Сергей Лавров Украинадагы операция качан токтой турганын айтты

Украинадагы атайын операция өзүнүн максатына жеткенде токтотулат. Мындай пикирин Россиянын тышкы иштер министри Сергей Лавров билдирген.

"Россиянын Украинадагы атайын операциясы максатына жетери менен бүтөт.

Чет өлкөлөрдөн Киевге келип жаткан курал-жарактын баары Россиянын бутасы. Анткени бул курал-жарактар өзүнүн калкына каршы согуш жүргүзүп жаткан режимге берилүүдө",- деди Лавров.

Ошондой эле ал Россия менен НАТОнун согушуу коркунучу жок экенин эгер болсо ядролук курал колдонуу тобокелдиктери жогору болорун эскертти.