5-октябрда Ош шаарынын 3021 жылдыгы белгиленет. Бул тууралуу мэриянын басма сөз кызматы билдирди.
Маалым болгондой, шаар күнүнө карата атактуу ырчылардын коштоосунда гала концерт өтөт.
"Жалпыңыздарды 5-октябрь күнү борбордук аянтка Ош шаарынын күнүн биргеликте белгилөөгө чакырабыз.
Эртең менен саат 09:30да Ош шаарынын өнүгүшүнө, шаардыктарга ыңгалуу шарттарды түзүп берүү максатында, ак ниет эмгеги менен иштеп жаткан мекеме-ишканалардын кызматкерлеринин парадына чакырабыз. Жөө жүрүш концерттик программа менен коштолот.
Кечки саат 19:00дон баштап Орусиянын белгилүү ырчысы, Динамит группасынын экс-солисти Илья Зудин, Өзбекстан Республикасынын ырчы айымы Севинч Муминова, Кыргызстандын белгилүү эстрада жылдыздары Бактияр Токторов, Гүлжигит Сатыбеков, Нурлан Насип жана Ош шаарынын маданият башкармалыгынын чыгармачыл топторунун катышуусунда чоң программадагы гала-концерт болот.
Ош шаарынын 3021 жылдыгын бирге тосолу!",- деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн