Сириядагы куралдуу жаңжалдарга катышып келген эл аралык террордук уюмдун активдүү мүчөсү Ошто кармалды. Бул тууралуу Улуттук коопсуздук мамлекеттик комитетинен билдирди.
Маалыматка ылайык, кармалган жаран 2014-жылдан 2017-жылдар аралыгында Сирия аймагында болуп, Сирия өкмөтүнүн аскерлерине каршы эл аралык террордук уюмдун катарында куралдуу жаңжалдарга катышып келген.
395-берененин 2-бөлүмү (жалдануучулук) менен сотко чейинки өндүрүштүн алкагында, 1989-жылы туулган Т.Н. аттуу Кыргыз жараны кармалган.
Анын үйүнө тинтүү жүргүзгөндө тыюу салынган буюмдар табылган эмес. Кармалган адам УКМКнын тергөө камак жайына киргизилип, тийиштүү тергөө иштери жүрүп жатканы айтылат.
Пикирлер (0)
Пикир жок. Сиз биринчилерден болушуңуз мүмкүн