Сырттагы жарандарыбызды алып келүү үчүн сүйлөшүүлөр жүрүп жатат, - Боронов

Башка өлкөлөрдөн келе албай жаткан жарандарды өлкөгө алып келүү үчүн сүйлөшүү иштери жүрүп жатат. Бул тууралуу биринчи вице-премьер-министр Кубатбек Боронов 19-майдагы брифингде билдирди.

“Сырт жакта жүргөн жарандарды өлкөгө алып келүү үчүн сүйлөшүү иштери жүргүзүлүүдө. Бир же эки өлкө менен сүйлөшүлүп жатат. Мындан улам учурда келе албай жаткандарга сабыр кылып турууга чакырабыз. Аларды жакынкы күндөрү кайтарып келебиз. Алар өлкөгө кайткандан кийин обсервацияга алынып, Саламаттыкты сактоо министрлигинин берген алгоритми менен текшерүүдөн өтөт”, - деди Боронов.