Экономикалык кылмыштуулукка каршы күрөшүү боюнча мамлекеттик кызматтын төрагасы Сыймык Жапыкеев анын айланасында болуп жаткан ушактарга карата кайрылуу жасады. Жапыкеев өз кайрылуусун өзүнүн Фейсбук баракчасында бөлүшкөн.
Анда, Жапыкеев 17-январь күнү мүмкүнчүлүк болуп калып Байтик айылына таза аба менен дем алганы барганын айткан.
"Урматтуу достор, мага карата айтылып жаткан ушактардын баарына эле ишене бербегиле. Мына 911 номерлүү Toyota LANDCRUISER унаамды 2 жыл мурда алганмын. Эч кандай 80 миң долларга жол тандабас алган эмесмин. "Мегакомдун" директору айфон жөнөтүптүр дейсиңер. Ал мага куттуктоо баракчасын эле жөнөткөн. Бардык эле ушактарга ишене бересиңерби? Мен бийликке алданган эмесмин, телефонго алданып калмак белем?",- деген кайрылуу калтырган.
Мындан сырткары, учурда финпол иштеп жатканын, ыш, пандемия боюнча чаралар көрүлөрүн кошумчалаган.
Пикирлер (0)
Пикир жок. Сиз биринчилерден болушуңуз мүмкүн