Сокулукта өз атасын өлтүрүүгө шектелип 25 жаштагы жаран кармалды

Киши өлтүрүүгө шектүү катары 25 жаштагы жаран кармалды. Бул тууралуу Чүй облустук ички иштер башкармалыгынын басма сөз кызматы билдирди.

4-июлга караган түнү милицияга Дача СУ айылында жергиликтүү тургун өлтүрүлгөнү тууралуу маалымат түшкөн. Сокулук районунун Ички иштер башкармалыгынын тергөө-ыкчам тобу аталган жерге барган. Каза болгон 55 жаштагы К.К. денесинде кесилген жерлер катталган.

Бул факт КЖБРне Кыргыз Республикасынын Кылмыш-жаза кодексинин 130-беренеси ("Адам өлтүрүү") менен катталган.

Милиция кылмышка шектүүнү кармады. Ал 25 жаштагы Т.М.  өлтүрүлгөн адамдын уулу болгон. Шектүү убактылуу кармоочу жайга киргизилген.

Тергөө иштери жүрүп жатат.