Сокулук районунда сойкулук үчүн сойкуканаларды уюштуруп, аларды тейлеген деген шек менен 43-жаштагы аял кармалды. Бул тууралуу Чүй облустук ички иштер башкы башкармалыгынын басма сөз кызматы билдирди.
2022-жылдын 4-февралынан 5-февралына караган түнү козголгон кылмыш ишинин алкагында Чүй облусунун ички иштер башкы башкармалыгынын жана Сокулук районунун ички иштер бөлүмүнүн кызматкерлери тарабынан атайын иликтөө иш-чараларынын жүрүшүндө Чүй облусунун Сокулук районундагы айылдардын биринде жайгашкан саунанын администратору менен сойкулук менен алектенген 6 кыз да саунадан ИИБнө жеткирилген. Жогорудагы саунанын администратору 43-жаштагы С.А. Кыргыз Республикасынын Жазык-процесстик кодексинин 96-беренесине ылайык, убактылуу кармоочу жайга киргизилген.
Тергөө иштери уланууда.
Ошондой эле, Чүй облусунун милиция кызматкерлери тарабынан Чүй облусунун аймагындагы ушул сыяктуу жайларды аныктоо боюнча иш-чаралар улантылып жатканын белгилейбиз.
Пикирлер (0)
Пикир жок. Сиз биринчилерден болушуңуз мүмкүн