Сокулукта убактылуу кармоочу жайда кылмышка шектүү жаран каза болду

Сокулук райондук ички иштер бөлүмүнүн убактылуу кармоочу жайында уурулукка шектүү жаран каза болду. Бул тууралуу жергиликтүү басылмалар жазып чыкты. 

Маалыматка ылайык, 1-марттан 2-мартка караган таңда бир камерадагы эки кылмышка шектүү мушташып кеткен. Натыйжада алардын бирөө каза болгон. 

РИИБдин кызматкерлери окуя болгон жерге тез жардам чакырган. Медкызматкерлер жарандын өлгөнүн аныктаган.

Аталган жарандын өлүмү боюнча медициналык-экспертиза түзүлүүдө.

Мындан сырткары окуя Кылмыштардын жана жоруктардын бирдиктүү реестрине катталды.