Сокулукта жол кырсыгынан 1 адам каза болуп, 5 адам жаракат алды

Чүй облусу Сокулук районунда жол кырсыгынан 1 адам каза болуп, 5 адам жаракат алды. Бул тууралуу Өзгөчө кырдаалдар министрлигинен билдирди.

Маалыматка ылайык, Совхоз-Фрунзе айылында Toyota Avensis менен Камаз кагышкан. Кырсыктын кесепетинен 1 аял киши каза болуп, 5 адам (3 аял: 30 жаштагы, 54 жаштагы, 60 жаштагы, 1 эркек: 52 жаштагы, 1 ымыркай: 2020-жылы төрөлгөн) ар кандай жаракаттарды алышкан.

Куткаруучулар жабыркаган адамдарды унаадан чыгарышкан. Тез жардам кызматынын кызматкерлери жабыркаган жана каза болгон адамдарды Сокулук райондук ооруканага жеткиришкен.