Сокулуктун имамдарына шайлоонун үгүт иштерине аралашпоо эскертилди

Чүй облусуна караштуу Сокулук районунун имамы Икрам ажы Ырысбаев райондогу имамдарга жыйын өткөрүп, бир канча тапшырмаларды берди. Бул тууралуу муфтияттын басма сөз кызматы билдирди. 

Маалыматка караганда, жыйын Сокулук районунун хатибиятында өтүп, анда райондогу диний кырдаал талкууланды. Иш-чара алкагында КМДБ тарабынан берилген Куран китептер тапшырылып, имамдарга төмөнкү тапшырмалар берилди:

1) КМДБ жана казыяттан чыккан буйруктарды так жана өз убагында аткаруу;

2) Шайлоо алдындагы үгүт иштерин жүргүзбөө жана мечиттерге саясий жыйын өткөрбөө;

3) Эл ортосунда, улуттар арасында ынтымакты сактоо боюнча иш-чараларды уюштуруу.